الوقت المتوقع للقراءة: 01 دقيقة و 20 ثانية

( يافهد )

قم (يافهد) قرب لي البوك بامرك
واكتب من الهاجس خلاصة ضميري

مبداي ذكر الله تعالى عن الشرك
ماله بكونه (يافهد) من خشيري

الواحد الماجد وهو مالك الملك
رب العباد اهو السميع البصيري

من عقبها خذ (يافهد) ماحوى البنك
فرايدٍ شروى السحاب الغزيري

عليك بالطاعة مع الله يعاونك
ملجاك لله جعل دربك سفيري

دنياك لاهي لاقسى الوقت تفتنك
خيالها في كل يوم(ن) يغيري

عليك بأصحاب الوفا من معادنك
صنف الذهب ومن القماش الحريري

وأهل المصالح (يافهد) خلهم عنك
وإن قل مالك مابقى لك شويري

عليك باللي صحبته لك تثمنك
بالدين والدنيا سراج منيري

عليك بالوافي تحطه عن أيمنك
شروى (مسلم) نعم (بابن البحيري)

دمث الجناب إلى بغيته دنا منك
(ديم الكفوف) اللي عطاها وفيري

(مسلم) اللي للمواجيب موطنك
شاعر كريم وبالمعاني خبيري

حبه بقلبي (يافهد) كيف أخبرك !!
مهما وصفته ماوفاه اتعبيري

عد(ن) قراحٍ مارده يشفي الظنك
برد الكبود إليا انثنت بالصديري

من فيض جوده بالمعاني يصدرك
قصايدٍ مثل الرهيف الشطيري

ثم نبه (إبراهيم) والدك ممنك
في وصل من وصله يتمم مسيري

قله تراني شايفك زين وأذهنك
فيما رأيته شايفك في نظيري

امقبلٍ هامة (مسلم) رضا منك
ماهي هذاري احلوم نجد الكثيري

خله يروف بصاحبي لاخلا منك
بر (البحيري) غايتي من صغيري

وختامها ماسارت الريح بالفلك
صلوا على (طه) البشير النذيري

إهداء :
إبراهيم السنيدي

رابط دائم رابط التغريدة 102
9:35 PM - 17/07/2017

اشترك بالقائمة البريدية لتصلك أفضل المقالات أسبوعياً

أحدث الإضافات

بحث