الوقت المتوقع للقراءة: 01 دقائق و 42 ثانية

كلمات جميلة ومؤثرة وفي الصميم صاغتها ابنتي الحبيبة مريم .....

كله راح يمشي بالدور
لا تستعجل عالطابور
لا تضوج وتدفع وتدافع
ما راح ينساك البابور

كلنا راح نصير بُكرا
أيام وعدت مع ذكرى
لكن انت الي بترسمها
إما حلوه
وإما مره

كل حي مَصيره يموت
وعلى حفره بتراب يفوت
لكن هو الي بيخليها
إما نعيم وإما جحيم
ولا حدش بسمعله صوت

كل حبيب مصيره يروح
ويترك جوا القلب جروح
ونقعد من بعده نتذكر
وممكن نضحك أو نتحسر
لكن احنا كمان بنقدر
نعمل خير ونعبد اكثر
حتى نسعد بملاقاته
لما تطلع منا الروح

كله بيمشي والله بعين
وكلنا للدنيا مفارقين
والي بينسى انه مفارق
من أهل الغفلة المساكين

كل الدنيا راح تعدي
لا تستعجل اوقف وهدِّي
وإسأل نفسك أنا شو عندي
ومن هالدِّنيا أنا شو بدي
لا تحارب وتعادي بحجة
هادا معاي وهادا ضدِّي
ولا تقول انك مُصلِح وشايف
حال الدنيا وبدك تِهدي
وتقاطع رحمك وتعاند
وشياطينك تاخد وتوَدِّي
وتُأمر وتنهي ويكبر راسك
ويا الأرض الي تحتي اشتدي
ويزعلو منك أهلك وناسك
وانت بتجري وحامل فأسك
وتضرب عيمينك وشمالك
وحِلمك وهدفك قِرش مصَدِّي !

كلنا بكرا راح نتحاسب
وربنا يسألنا ونجاوِب
ويابخت الي رجح ميزانه
وبخيرُه وطاعاته يجاوِب

كلنا ياربِّ مساكين
ولَلُطفك وعفوك محتاجين
يارب تهدينا في الدنيا
وتنجينا بيوم الدِّين
وجَنِّبنا ياربِّ الغفلة
وارزقنا بثبات ويقين
وانصرنا ربي عالفتنة
وخذنا عالطَّاعة والدين
وثبُّت ياربِّ خطاوينا
في الدنيا عطريق الحق
وعالصِّراط بيوم الدِّين
وصبِّر حبايبنا بعدينا
وصبِّرنا وياربِّ تعين
وارزقنا الجنة واجمعنا
بنبيِّك في عليِّين

وكلكُم صلُّوا معي هالهادي
بعدَد الخَلق ليوم الدِّين

مريم عزام التميمي

رابط دائم رابط التغريدة 209
9:47 AM - 1/04/2018

اشترك بالقائمة البريدية لتصلك أفضل المقالات أسبوعياً

أحدث الإضافات

بحث