تويت مزيد

#بودكاست_فنجان

بنشارك معاكم حاجه ان شاءلله تفيدكم 🫶☺️
في حلقة #بودكاست_فنجان لياسر الحزيمي
قال انه [كلما زادت مهاراتك زادت حاجة الناس لك وكلما قلة مهاراتك زاد أستغناء الناس عنك]
كلامه صح ومافيش حد فينا يقدر ينكر الشي هذا
بس الناس لم حبت تستفيد وتشع الحلقه خدت نص لكلام فقط بدون ماتقول شن قال بعدها يعني لم ينازلوا ينازلوا في لعباره هادي فقط فيديو او حتي منشور عادي علي رغم هو بعدها قال
انه نقل عن علي بن أبي طالب إنه قال (لانسان يسير بين أميراً وأسيراّ ونظير)
فا من أحسنت إليه أنت أميرُه ( انت لاتستطيع أن تكون دائماً أمير لانك ستُرهق وتشعر بالخذلان)
ومن أحسن إليك أنت أسيرُه (وماتعيشش دائماً أسير لانه غلط والناس سترميك في مكبة نفايات البشر)
ومن استغني عنك أنت نظيرُه (تكون ديما نظير يعني أنت هكي تتحدا الطبيعه البشريه مثال إنه لم سمع
الإمام أحمد رجلاً قال:
اللهم لا تحوجني إلى خلقك
قال الإمام أحمد: هذا رجل تمنَّى الموت.
لانه ماتقدرش انت محتاج للناس والناس محتاجه ليك والميت فقط هو يلي مش محتاج للناس لانه ميت خلاص
مُلخص يلي صار الناس تحب تشع وتحث الضوء علي شئ يلي يناسبها فقط حتي لو يلي نزل الفيديو مش منمي لا من مهاراته او اي شي الناس ركزت ع نقطة انه لازم انت تكون ذو مهارات عشان الناس ماتحتجلهمش مع انه ياسر الحزيمي ما ركزش ع نقطه هادي وكمل وقال ماتقدرش لا تكون هكي ولا هكي أنت لازم تحتاج للناس وناس تحتاجلك
(لكلام هذا قلته لانه أنا قبل لنسمع البودكاست كانوا يقابلوا فيا بعض مقتطفات من البودكاست فا حتي في لبدايه ماكنتش نبي نسمعه بكل لانه الناس ماتاخدش في لكلام الا يلي يعجبها فا انت بروحك تفشل انك تفكر تسمعه او حتي تسمع شي مشابه ليها لانه لقاتك جمله بس فا حسيت منها إنه لو سمعته ها تحبط مع انه البودكاست مش هكي نهائي)