الوقت المتوقع للقراءة: 05 دقائق و 48 ثانية

مسلسل بابا العرب

مقال طويل شويتين ثلاثة ..

عمل سينمائي ضخم بعنوان جذاب "بــــابـــــا العـــــرب" تجسيدا للمتوفي (نظير جيد) المُلقب عند الأرثوذكس الأقباط بالبابا شنوده الثالث ..

بعد التعليقات الشخصية على العمل ده قبل بدايته .. وبعد دراسة مفصلة لشخصية البابا شنوده الثالث .. نأخذ شوية معلومات بسيطة علشان الناس البسيطة لا تنخدع ..

١- نظير جيد طالب خريج آداب القاهرة .. التحق بالجيش ثم انضم لجماعة الأمة القبطية .. وجماعة الأمة القبطية تأسست علي غرار جماعة الإخوان المسلمين .. فعندما كان الاخوان ينادون بإعادة حكم الإسلام بعد تحطيم الدولة العثمانية .. كذلك قام الأقباط بحركة موازية لإعادة حكم القِبط وإعادة تداول اللغة القبطية القديمة .. لكنهم كانوا أغبية وأقل ذكاء وحيلة .. حاولوا في ١٩٥٤ اختطاف البابا يواساب الثاني وإجباره لتوقيع وثيقة عزل عن البابوية ثم تنفصل الكنيسة إداريا وماليا وسياسيا عن الدولة تماما .. لكن حكومة عبد الناصر رفضت الحل ده وقبضت علي منفذين عملية الخطف واتحلت جماعة الأمة القبطية تماما .. واستطاع (نظير جيد) إنه يقود سفينة الجماعة بصورة أكثر ذكاء وحيلة دون اصطادم مع الدولة أو أي مؤسسة .. وتمسك بمعنى الوطنية كشعار رمزي يستطيع أن يقضي به علي خصومه كما فعل مع (شهود يهوه) وأخبر السادات أن شباب شهود يهوه لا ينضمون للتجنيد الإجباري فهم أعداء الوطن .. ثم بعدها طرد السادات وشرد جماعة شهود يهوه .. وخرج البابا شنوده لجمهوره ومريديه يُردد (طول ما ربنا موجود يبقي كله للخير - مصر ليست وطنا نعيش فيه بل وطنا يعيش فينا .... إلخ)

٢- بعد وصول (نظير جيد) لمنصب البطريرك ألف كتاب ظريف جدا اسمه (شريعة الزوجة الواحدة) وده كان فرقعة في المجتمع كده .. وبدأت تظهر نقاشات بين نساء المسيحيين ونساء المسلمين .. إزاي أجوازكم مسموح لهم يتجوزوا اثنين وثلاثة .. فين الإخلاص !! فين الحب !! فين الوفاء !!
وبدأت تظهر علي غرارها أسئلة (إزاي النبي بتاعكم اتجوز كذا واحدة ؟)
ثم بدأ يقيم مؤتمرات ويرد علي أسئلة الحضور ومنها أن النبي محمد صلى الله عليه وسلم كان ضعيف في مكة فخير الناس لحرية الاختيار وقال على حد زعمه (لا إكراه في الدين) لكنه استطاع أن يتخلص من أعدائه وقضى عليهم بعد أن تمكن في الأرض وهاجر .. ووصف فعل النبي بأنه اتمسكن لحد ما اتمكن ..

مع العلم أن النبي صلى الله عليه وسلم حذر كفار مكة بعذاب أليم حتي وهو ضعيف عسكريا ونزل القرآن بذلك .. قال تعالى (فإن تولوا فقل أنذرتكم صاعقة مثل صاعقة عاد وثمود) (هل ينتظرون مثل أيام الذين خلوا من قبل)

٣- لما توفي الشيخ محمد متولي الشعراوي عليه رحمة الله سأل أحد الصحفيين البابا شنوده يا تري أنت شايف الشيخ الشعراوي داخل الجنة ولا النار ؟
وطبعا لو قال الجنة كده هيبقي هد كل اللي بناه وإزاي الشعراوى اللي كافر بعقيدة الصلب والفداء والخلاص يبقي في الجنة ده في الجحيم رسمي .. ولو قال في الجحيم هيبقي كده مش وطني وعايز فتنة وبيحكم علي الناس والمسلمين الغلابة هيضايقوا وصورته في ذهنهم هتتغير .. فقال الآتي (كل ما اتأكد منه أنه سيكون بجوار حبيبه محمد) .. وطبعا نزل تاني يوم منشط عريض يبين مدى الحب والود .. لكن اللي فاهمين كثير ..

٤- مارس البابا شنوده سياسة فكان رجل سياسة وليس رجل دين بالمعني الحرفي .. ودعى في نفس الوقت بمطالبة بعزل الإسلام كشريعة عن الحياة السياسية كليا .. وأسس المدارس والمستشفيات ومراكز البحوث .. وانتشر عالميا وأرسل مندوبين عنه في معظم الدول الكبرى .. كل ده ومحدش عارف يمسك عليه واحدة .. وحول شعب الكنيسة من كونه شعب بيعمل بالأجر وأُرزقي علي باب الله .. لأن يُصبح القسيس خريج كليات علمية وأدبية .. زي ما تخرج (وجيه صبحي) من كلية الصيدلة جامعة الإسكندرية عندنا ولُقب ب (تواضروس)

وفي نفس الوقت قدر يخرص كل الأصوات .. وعلى الرغم من وجود كاثوليك وبروتستانت ويعقوبين .. إلخ .. إلا أنه مكنش حد بيفتح بوقه في وجوده .. وكان هو ممثل عن الأقباط جميعا ..

٥- وقع وثيقة سنة ١٩٩١ لإزالة الحرم المتبادل بين الكنائس الخلقيدونية واللاخلقيدونية .. ومجمع (خلقيدونية ٤٥١ م) كان أول إنشقاق تم وانفصلت الكنيسة السكندرية عن سائر الكنائس .. لذلك تعتبر أكثر الكنائس تعصبا وتكفيرا لكل من خالفها هي كنيسة الإسكندرية المؤسس لها مرقس الرسول على حسب قولهم .. لكن جه البابا شنوده بعد حوالي ١٥ قرن يوثق العلاقات مرة ثانية ..

٦- اختار المخرج اسم (بابا العرب)
رغم إن المسيحيين خاصة الشرقيين والمصريين خصوصا يتبرأوا من العرب ويكرهوا سيدنا عمرو بن العاص رضي الله عنه كرها شديدا يصل لحد الجنون .. ويدّعون أنهم أحفاد الفراعنة .. لكن الاسم اللي اختاروه مكنش بالسذاجة دي .. لكنه في إشارة أن العرب ونبيهم العربي أصبح لهم بابا وراعي يحميهم .. فالاسم لم يُختار بصورة عشوائية .. لإن واقعيا سلطة كنيسة الإسكندرية محدودة حتي لا تشمل جميع المسيحيين العرب فكيف بكلمة (العرب) غير مضافة لتشمل جميعهم مسلمهم وكافرهم !!

العرب وهما قبائل هاجرت من اليمن واختلطوا مع سيدنا إسماعيل عليه السلام العبراني .. لم يكن لهم بابا .. ولم يعتنقوا المسيحية البوليسية وكانوا يسخرون من النصاري .. فقال تعالى (ولما ضُرب ابن مريم مثلا إذا قومك منه يصِدون وقالوا ءآلهتنا خير أم هو)

وظل العرب بلا دولة وبلا حكم حتي جاءهم رسول من أنفسهم ونزل القرآن الكريم بلغتهم ففاقوا الأمم وسادوا العالم .. وإن تركوا الإسلام عادوا لما كانوا عليه قبل النبي صلى الله عليه وسلم ..

٧- دير الأنبا بيشوي ..
الأنبا بيشوي وعلي لسان صديق مقرب منه جدا أن الأنبا بيشوي مرفه ترفيه غير طبيعي (راهب زاهد في الدنيا ومتاعها) وإنه كان يروح يقعد أسبوع في حتة مثلا يجيب معاه شنط حد يجرهاله حتي لو المسافة صغيرة وكان بيقرف من كل حاجة .. حياة رهبان وزهد في الدنيا يا جدع .. حياة الرهبنة والابتعاد عن شهوات الدنيا ده ضحك علي الدقون .. وربنا قالنا كده (يا أيها الذين آمنوا إن كثيرا من الأحبار والرهبان ليأكلون أموال الناس بالباطل)

٨- عمل فني ضخم جدا وفلوس بالحجم ده لكن غريب مسمعناش حد من إخواننا البُعدة بتوع بتبنوا مساجد ليه !! مش المفروض تبنوا مستشفيات ومراكز أبحاث ومدارس وجامعات وطربيزات بلياردو وبنج .. لكن فلوس تترمى في الأرض علشان حاجة زي كده ده أمر طبيعي وجميل وثقافة اجتماعية ونشر للمحبة والسلام ..

٩- الكنيسة بتقدر تستغل الكوادر بتوعها خاصة لو فعلا بارعين زي (ماجد الكدواني) وإنه محبوب جدا .. وأغلب جمهوره ميعرفوش هل هو أساسا مسلم ولا مسيحي .. ولوقت قريب كنت بحسبه مسلم .. ثم يُستغل لتحسين صورة البابا شنوده ويتعلق الناس به أكثر .. في وقت إن السينما والفن بيستغلوا شهر رمضان المبارك علشان يعرضوا مسلسلات بعنوان (غرابيب سود) يتريقوا علي الحجاب .. أو مسلسل بيتكلم عن الناس اللي بدقن اللي بيفكروا في القتل أو بيفكروا في النسوان .. زي ما عادل إمام مثل دور الإرهابي اللي كان بينام يحلم بجارته اللي كانت بتقف بقميص نوم ولما راح قعد عن أسرة مسيحية واستأمنه وقعد مع بنتهم لوحدهم وبيلعبوا كوتشنه راح قرصها من وركها ..

فدائما اللي بيمثل رجل الدين المسلم أو المأذون يا إما أهبل وعبيط يا إما بيزعق يا إما مش بيتناقش يا إما نسوانجي ووسخ يا إما قاتل .. أي صفة مذمومة .. لكن الصفات الحميدة دائما للرقاصة الجدعة صاحبة الواجب اللي بتسد في الأزمات والبنت بتاعت الملهي الليلي اللي يعيني دفعها الظلم والقهر إنها تتاجر بشرفها لكنها بتتبرع بنص مرتبها لدار الأيتام علشان تكفر عن ذنوبها ..

أخيرا ..
لازم كمسلم عامة وكإنسان عاقل مكلف خاصة أن تحلل كل ما يُعرض ويُقدم إليك .. لعله يكون سُم مدسوس لك في وجبتك المفضلة .. والحية ملمسها ناعم لكنها أكثر فتكا من المفترسات والضواري قبيحة الشكل ..

رابط دائم رابط التغريدة 36
4:26 PM - 31/10/2019

اشترك بالقائمة البريدية لتصلك أفضل المقالات أسبوعياً

أحدث الإضافات

  1. كيف تحصل المخلوقات الحية على حاجاتها لتعيش وتنمو
    كيف تحصل المخلوقات الحية على حاجاتها لتعيش وتنمو https://www.gotaglob.com/5562/%D9%83%D9%8A%D9%81-%D8%AA%D8%AD%D8%B5%D9%84-%D8%A7%D9%84%D9%85%D8%AE%D9%84%D9%88%D9%82%D8%A7%D8%AA-%D8%A7%D9%84%D8%AD%D9
  2. ☀ *إشراقة الصباح*☀ صَباحُ الوُدِّ مَحَفُوفًا بِوَردٍ ‏يطِيبُ بِ
  3. إشراقة غسق
    🌞إشراقة غسق 🌞 السلام عليكم ورحمة الله وبركاته اسعد الله صباحكم لهذا اليوم الاحد 1441/3/20ﮪ 🌷🌻🌷🌻🌷 خير مانبدأ به آيات عطره cdn.top4top.net/d_df30c8f20a0.mp3 🌷🌻🌷🌻🌷 اذكار الصباح حصن منيع وامان يغش
  4. نشرة ٱخبارالأحوال الجوية والطقس(971)​​ أمطار على 11 منطقة اليوم
  5. كلمات كراش المرحلة 223 224 225 226 227 التحديث الجديد
    كلمات كراش المرحلة 223 224 225 226 227 التحديث الجديد https://www.kinghlol.com/48/%D9%83%D9%84%D9%85%D8%A7%D8%AA-%D9%83%D8%B1%D8%A7%D8%B4-%D8%A7%D9%84%D9%85%D8%B1%D8%AD%D9%84%D8%A9-223-224-225-226-22
  6. بما ان الكاتب ليس له مال يتضامن به مع هؤلاء
    بما ان الكاتب ليس له مال يتضامن به مع هؤلاء https://www.hlswa.org/8183/%D8%A8%D9%85%D8%A7-%D8%A7%D9%86-%D8%A7%D9%84%D9%83%D8%A7%D8%AA%D8%A8-%D9%84%D9%8A%D8%B3-%D9%84%D9%87-%D9%85%D8%A7%D9%84-%D9%8A%D
  7. ماذا يحدث لضغط الهواء عندما يزيد الارتفاع https://mjtmhlol.com/1
  8. ‏ساعة أسبوعية لزيارة رحمك أعود عليك ألف مرة من كثرة مشتتة لا تثبت
  9. يذكر الطلبة ثلاث عبارات مناسبة للحوار
    يذكر الطلبة ثلاث عبارات مناسبة للحوار يذكر الطلبة ثلاث عبارات مناسبة للحوار https://www.hlole.com/41774/%D9%8A%D8%B0%D9%83%D8%B1-%D8%A7%D9%84%D8%B7%D9%84%D8%A8%D8%A9-%D8%AB%D9%84%D8%A7%D8%AB
  10. مشاهدة مباراة السعودية واوزباكستان بث مباشر بتاريخ 14/11/2019 تصف

بحث